八卦的 Kimchi 每樣野都關佢事, 每次我同 d products 影相, 佢都係要跳埋上枱左聞右聞, 推極佢都唔走. 有時不經意都會影埋佢入鏡 post 上拍賣網. hehe.. 應該在拍賣要標明 : 不包括相中的貓

唔好拍賣埋我呀!

唔好拍賣埋我呀!

上個禮拜濕度有成 80 ~ 90%, 一返到屋企就係一個 “濕” 字. Kimchi 見我地返到屋企就咁喵, 佢個糧食盆仲有好多糧, 所以我地以為佢唔係肚餓. 但後來我地搬動佢個盆時發出有 d 聲, 佢就即刻走出黎. 俾佢聞, 佢就只係叫唔食.

原來真係嫌d糧受左潮, 唔肯食喎! 因為我地倒左再添新糧俾佢, 佢就拿拿臨走去食. 果然佢地 d 味覺係好 sensitive! 咁咀刁, 真係唔知如果我地去旅行揾人一日一次去餵佢時咁點算

濕o既, 點食呀!

濕o既, 點食呀!

Kimchi 差唔多每晚都會同我地一齊瞓, 好多時係我地瞓上床, 佢先跟住跳上黎. 我話佢好似皇帝點燈咁, 今晚瞓下我隔離, 另一晚又瞓下老公隔離. 雖然係迫住晒, 但感覺真係幾 sweet.

我今晚就點你燈啦!

我今晚就點你燈啦!

元旦開 party 準備了大量 chips. 百卦的 KimKim 當然乜都有佢份, 要聞要咬.

咁多薯片o既

咁多薯片o既

係咪全部都係俾我架? 咁我咪會生好多暗瘡?

係咪全部都係俾我架? 咁我咪會生好多暗瘡?

Kimchi 真係大小姐, 又要主動要人摸, 又會摸摸下佢又咬人. 老公話覺得佢係當你摸得佢好舒服, 咕晒想瞓時, 如果你繼續摸佢, 佢就發老脾咬人. 真係難服待 ~~

算你醒目, 唔係我眼瞓時摸我, 我會咬你架:P

算你醒目, 唔係我眼瞓時摸我, 我會咬你架:P