超級開心呀! 昨晚沖完涼出來, Kimchi 勁 meow 我喎, 於是我俾隻手佢聞, 佢聞完用個頭黎輕輕撞我隻手, 又行埋黎”hi” 我對腳, 我摸佢, 佢又好冧咁俾我摸, 又要我同佢玩 hide & seek, so sweet

唔通佢鍾意我地隻番梘味? 不過就用完 tim

昨晚電視做無間道3, 除了我同 Ken 坐係到睇之外, Kimchi 竟然都坐定定在梳化下地板上, 仲要霸左過正中位置

眼定定睇左好耐, 原來佢係梁朝偉 Fans

某一天返屋企, Kimchi 一反常態匿係個貓砂盤入面, 好驚咁 ge 樣. 跟住趁我地擰轉身就攝手攝腳咁匿係梳化底, 用條毛引極都唔出來.

幾經辛苦, 佢終於走返入去 Study Room 張枱度, 我就摸下佢, 想安撫下啦, 望下張枱, 少少污糟啦, 同埋有一粒野, 諗住執去掉. 望下咩黎先, 哇! 係粒牙仔呀!!

第一時間話俾老公聽, 唔知係唔係因為咁佢成晚都好 upset. 跟住呢幾日共執左3隻牙仔!

哇! 大個女啦, 換牙仔!

哇! 大個女啦, 換牙仔!

之前同家姐講開 Kimchi 的惡行, 佢同 Tony 話我地改錯名, 叫佢做 Kimchi, 所以佢係一隻辣妹.  或者應該叫佢做鵪鶉會好 d

昨晚我都係首先在房中摸佢一輪, 亦都嘗試同佢抺身, 不過佢係會發顛, 想咬條毛巾. 搞到我都唔係好抺到佢腳板底. 我企圖想同佢剪後腳時, 佢就唔高興, 想咬我咁, 搞到我好驚, 無可否認, 我真係好細膽.

見佢都算乖, 俾佢出來行下啦. 都算係咁啦, 出到黎都無乜曳, 無乜匿埋(都有不過無之前咁多), 會在我地身邊經過或坐低, 不過我地行, 佢就會 highly alert, 姿勢係準備隨時走.