昨晚我和Ken 雖然好早瞓, 但都唔係瞓得太好, 心掛掛咁啦. 擔心佢唔知幾時先至適應到, 好驚佢唔食唔痾. 今早一起身, 就急不及待開細房門睇下佢點…
一開門, 通地垃圾, 又有貓砂, 個抓板又跌左落黎, 一片頹垣敗瓦. Kimchi 竟然躲在枱上 under 個 mon. 可以用 “zip” 住响個到黎形容. 佢真係一隻驚青精!
望下佢有無食野同ng ng, 好在都有, 而且都幾多, 咁都安心 d. 不過佢都仲係好驚, 攞條毛俾佢玩都係無反應.
終於有”古古”聲响個籠度
因為無揸車, 本來想第二日先過來攞, 但家姐就話過來同我地一齊攞佢返屋企.
由 pet shop 行去搭小巴的路上, Kimchi moew 得十分十分厲害, 我地諗佢一定好驚好驚, 銅鑼灣喎, 人又多聲又大, 有 d 心痛令佢咁驚. 幾經辛苦終於上到車, Kimchi 仍然o係到叫, 我地懷疑個籠有 d 通窿, 令佢好不安, 於是我地揾個膠袋套住, 希望佢唔會咁驚. 蓋住後, 佢真係無叫, 只係係咁不斷撐手手, 不斷係咁按 Ken 的肚肚.
返到屋企, 放置好砂盆, 倒好砂, 便放她出來. 佢當然唔肯出來啦, 所以Tony 就倒佢出來. 放佢上砂盆後, 佢瑟縮一角, 儘佢所能, 將自己身軀縮成一團, 神色慌張, 好驚好驚, 遲遲都唔肯郁. 整個夜晚, 佢都表現得好驚, 好淒涼, 令我好心 “up”, 會問自己究竟係唔係唔應該帶佢返來. 不禁令我想起我實在唔適合有小朋友, 我諗我會有抑鬱症架.
昨天同屋企人去灣仔飲茶, 家姐話前一天在銅鑼灣見到隻蘇格蘭摺耳貓好得意, 同 Richie 差唔多樣, 想帶佢返屋企做 Richie “妹仔”, 而且亦好平, 只係$3800, 間Pet shop 睇起來都企企理理, 無味. 我地一向都忌寵物店有陣味, 因為咁可以睇得出佢地對 d 貓唔係咁好, 總係覺得會搞到隻貓唔乾淨.
見飲完茶無特別地方想去, Ken 咪話不如去睇下貓貓啦. 入到間 pet shop, 原來隻貓係响個籠度, 係寄賣的. 即係話唔係店主自己 breed, 唔知係唔係純種, 但對於我同 Ken 來講, 純唔純種唔係問題, 我地又唔會攞去參展 ge. 佢個樣真係又幾似 Richie, 只係摺耳同埋係隻色唔同, 佢係 Blue Tabby. 最初佢都唔”蘇”我地, 後來 Ken 用手指掃下掃下, 佢開始隔住個籠發顛咁用手手拍我地D手指, 好好玩呀. 後來叫個店員抱佢出來玩, 我首先抱佢, 佢不斷係咁叫, 但又唔掙扎喎. 輪到 Ken 抱, 佢又係咁. 神推鬼擁下, 我地就好快 made 左 decision 買佢返屋企. 就係咁 Kimchi 就闖進我地的家庭 lu
