而家我係枱上用電腦時, Kimchi 通常都會上枱坐. 有時本來坐坐下, 突然走埋黎用頭頂我用 mouse 隻手. 我摸完佢一輪, 佢就會當我隻手係枕頭, 成個頭枕係隻手到, 今日仲要瞓著埋!

奴才, 快 d 俾隻手太后我枕住!

奴才, 快 d 俾隻手太后我枕住!

呢排每逄我地開餐, Kimchi 都會上枱八卦. 昨天我地食從Jusco 買回來的火雞做聖誕大餐, Kimchi 又上來周圍聞來聞去, 我地就俾佢食一粒好細好細的火雞肉. 哇, 佢食得不知幾開心, 食完都要脷張枱

仲有無火雞剩呀?

仲有無火雞剩呀?

Kimchi 突然對個掛牆鐘好有興趣, 企到好似睇卡通片的貓咁, 拉直個身, 好長呀!!!

咩黎架?

咩黎架?

睇下我變左成個人咁黎睇呀

睇下我變左成個人咁黎睇呀

呢幾日天氣好凍，好驚 Kimchi 會凍親．　今日出開去旺角，終於物色到 Kimchi 的新居，　係一個菠蘿!!

擺出來時，佢聞下聞下，有試過行入去,又好快就走出來．我見佢寧願瞓响玻璃枱上，所以我有就抱佢入去，希望佢下次會自己入去瞓啦!

昨晚叫了 Pizza Hut  外賣, 我地食飯通常都只係會坐四人枱可以望電視那邊. 當我地擺到一枱都係, 盡情品嘗緊時, 暼見 Kimchi 的頭在枱的另一邊慢慢升上來, 又唔會成個頭上晒, 只係得一半見到佢眼仔, 然後古古惑惑咁 “昅來昅去”,  個樣勁搞笑.

如是者升下又落返去幾次, 我地就睇下佢忍得幾耐唔上黎, 到 3, 4次後, 佢終於忍唔住想上枱, 咁我地當然阻止啦, 唔係成個晚餐就咁斷送架啦嘛.