哈哈! Kimchi 而好鬼黏我, 我用電腦, 佢會坐响枱上, 係咁瞓係我手上. 如果我坐梳化, 佢又會坐响隔離. 不過佢好得意, 唔鍾意坐 cushion, 係會避開. 當我擺隻手出來, 佢又會係咁”hi” 我隻手, 有時重要反晒身咁, 好鬼舒服咁ge樣.

今日帶 Kimchi 去 body check (因為想同佢做絶育手術, 但間診所要係睇過先至肯同佢做) , 獸醫話佢左耳好污糟, 係發炎呀!!!!  佢話我唔應該用Tissue 伸入去耳仔抺, 這只會越幫越忙, 要用洗耳水, 由得佢 “fing” 返出來. 而家我要用洗耳水, 跟住仲要滴藥膏呀! 佢話要佢耳仔無再發炎先至可以幫佢造手術~~ 希望佢快 d 好啦…

不過都要諗下响邊到幫佢滴耳仔, 俾佢 ” fing ” 返 d 污糟野出來… 分分鐘會搞到周圍污糟晒 .. 真係麻煩~~

今朝早起身出房門, Ken 已經放了Kimchi 出來, 而佢係將食飯枱見到我, 喵了一聲, 跟住就揸揸臨跳落黎行去我到. 我踎低身俾隻手佢聞, 佢就用個頭 “hi” 我, 勁冧呀!

多謝 Barbara 仗義相借左部 Nikon D50 相機, Carson 又借閃光燈俾我, 等我地終於可為 Kimchi 影到 d 有動感的相好開心呀, Kimchi 終於有 d 眼仔好圓 ge 相 ..hohohoho

俾個大 pat pat 你睇

俾個大 pat pat 你睇

喜歡思考的我

喜歡思考的我

窗簾好味

窗簾好味

隻拖鞋下面有乜ga?

隻拖鞋下面有乜ga?

仲捉你唔到!

仲捉你唔到!

好味!

好味!

睇下我 d 爪, I am wolverine!

睇下我 d 爪, I am wolverine!

我喜歡”穿”拖鞋

我喜歡”穿”拖鞋

Kimchi 而家除了喜歡瞓菠蘿外, 就係瞓係我 Notebook 隔離同埋 dining table 的椅上, 大家可以睇下佢的各款睡姿

1 月 1 日, 我 d 屋企人上左我地屋企探下佢地的 “孫女” / “姨甥女”. 初初入屋, Kimchi 都有走出來周圍聞下人, 聞聞下發覺唔多對路, 立即返番入房. 於是 d 人當然走晒入房哄佢啦, 佢就縮埋一團, 當我家姐摸佢時, 佢竟然 “fee” 佢喎, 真係好惡, 我都有 d 心寒, 仲要2次都係咁. 唔知佢係唔係記得家姐上次捉住佢剪指甲, 定係家姐有 Richie 陣味呢~~

跟住到我老豆摸佢, 又無事喎, 當然就係縮埋一團啦. 老豆的影相癮又起, 所以就用我地部電話影左呢張大頭貓相.

好彩後來我家姐再摸佢時, 都無再 “fee” 佢, 唔係將來我地去旅行時, 都唔知揾邊到安置佢. 不過如果將來佢真係惡到恰 Richie 的話, 我地相信佢唔會有好日子過~ Tony 一定會吊起佢黎打