1 月 1 日, 我 d 屋企人上左我地屋企探下佢地的 “孫女” / “姨甥女”. 初初入屋, Kimchi 都有走出來周圍聞下人, 聞聞下發覺唔多對路, 立即返番入房. 於是 d 人當然走晒入房哄佢啦, 佢就縮埋一團, 當我家姐摸佢時, 佢竟然 “fee” 佢喎, 真係好惡, 我都有 d 心寒, 仲要2次都係咁. 唔知佢係唔係記得家姐上次捉住佢剪指甲, 定係家姐有 Richie 陣味呢~~

跟住到我老豆摸佢, 又無事喎, 當然就係縮埋一團啦. 老豆的影相癮又起, 所以就用我地部電話影左呢張大頭貓相.

好彩後來我家姐再摸佢時, 都無再 “fee” 佢, 唔係將來我地去旅行時, 都唔知揾邊到安置佢. 不過如果將來佢真係惡到恰 Richie 的話, 我地相信佢唔會有好日子過~ Tony 一定會吊起佢黎打