今日係清潔日, spend 左好多時响 Kimchi 間房到, 無論枱定椅都佈滿左 Kimchi d 毛, 抺到傻~

佢今日好攰定, 見我响張 dining table 到就瞓~~

佢今日好攰定, 見我响張 dining table 到就瞓~~

仲要撐起埋雙腳, 個姿勢勁好笑, 可惜只係影到一張, 佢見我影完就反翻身啦~

仲要撐起埋雙腳, 個姿勢勁好笑, 可惜只係影到一張, 佢見我影完就反翻身啦~

想寫下旅行後, 返到黎Kimchi 對我地點好耐, 一路都好懶, 終於尋晚俾家姐話我仲乜唔 update 下個 blog, 終於的起心肝寫. heee

今次旅行去左11日, 去之前都幾興奮, 因為好耐好耐好耐都未試過去咁多日旅行. 但到旅程後期, 唔知係因為九州真係比較 “寧靜” d, 定係掛住 Kimchi 呢, 真係幾 miss 屋企, 好似係第一次去旅行有咁 ge 感覺咋. 最後有一晚, 我試過夢見 Kimchi, 佢竟然俾我抱, 抱到好似 BB 咁 (返到黎證實果然係”發夢啦”)

以前放工返到屋企, 一入門口, Kimchi 好快就會聽到聲, 拿拿臨走近佢 ge房門, 嚷著要出黎. 但當我地去完旅行返黎, 返到入屋, 大鑼大鼓, 佢都無勁叫, 於是開佢房門, 望下佢搞咩. 原來佢仲响佢間菠蘿屋入面, 施施然咁望下我地, 點解會咁架?! 莫非真係嬲左我地?! 但當佢出房時, 我都放心 d , 佢勁冧我地呀, 左”hi” 右 “hi”, 好鬼熱情.

跟住個兩三日, 我地返屋企時, 佢都係隔好耐先至走出來. 同家姐講開, 我先至明白到 Kimchi 點解會有 d 咁 ge 轉變. …. 我相信因為佢以為我地係家姐同 Tony … 佢地 ge 關係咁多日都係無乜改善, 每天佢地黎到, Kimchi 就匿埋响個菠蘿屋入面, 佢地哄佢時, 就包fee … 到後期, 佢地就採取唔理佢政策, 開左佢房門, 由佢自己自動出來就 fee 少 d..haha. 所以當我地返黎時, 佢仲以為我地係家姐同 Tony, 所以就匿埋先囉, 睇定係邊鬼個先, 不過過左幾日後, 佢已經習慣返, 我地返到屋企, 鞋都未趕得切除, 佢已經勁叫啦~~

以下就係當我地返屋企, 佢要出黎時的傻樣

索下出面咩環境先

索下出面咩環境先

我要出黎呀! 我要自己開門

我要出黎呀! 我要自己開門

去日本時, 因為部 D40 減價, 當部單鏡反光機的價錢好似部傻瓜機咁 ge 價錢時, 真係忍唔到唔買… heee… 藉口一大蘿

今晚幫 Kimch 影左幾幅相, 好鍾意可以影到 d 主體清楚, 背景矇查查, 好開心呀!

頭昴昴

頭昴昴

好似好肥咁, 假象黎 ga

好似好肥咁, 假象黎 ga

眼仔圓圓

眼仔圓圓

今日終於帶了 Kimchi 去家姐屋企, 上到去, Richie 表姐响房到.

我地都好緊張, 唔知 Kimchi 會點, Richie 會點. 跟住家姐就抱Richie 出來, 佢落左地, 周圍聞, 聞下 Kimchi d 家當, 跟住我地就打開 Kimchi 個籠到門, 佢就當然唔肯出來啦. 佢見到 Richie, 係咁 meow 叫, 但唔係惡那種, 只係普通 meow meow 叫. Richie 就望住佢, 我地見到佢個鼻勁索, 離萬丈遠咁索 Kimchi.無幾耐就覺得唔對勁即閃返入房.

Kimchi 就仍然响個籠到死唔出, 不過見佢個樣都無乜野. 但 Richie 就似係發脾氣, 心情煩燥, 可能嬲仲乜帶第二個女仔黎. 後來家姐安撫佢, 佢竟然第一次, 係家姐養左佢咁耐第一次 fee 佢, 仲要打我家姐個頭. 原來Richie 係會 fee 人架! 後來 Ken 想摸下佢, 佢都好大力咁連環俾左兩鎚佢歎~~ 而對眼係尖晒唔高興那隻.

最終為了兩隻貓貓的心情健康起見, 我地都係決定帶 Kimchi 返屋企, 而家姐同 Tony 就會日日上來餵佢食野同清潔~~ 真係辛苦左佢地啦~~

帶 Kimchi 返屋企, 佢都唔知幾 Relax , 開左個籠度門, 即刻走出來.. 睇下佢仲要擺埋 d 咁 sexy 的 post

而 Richie 呢, 家姐話佢後來亦都好似唔記得咁, 隻眼圓返晒. haha.. 趕走外敵嘛!

另一個小插曲係, Kimchi 唔知點解係要 fee Tony 同家姐, 响佢地屋企時, Tony 企响佢個籠隔離搞其他野, 我見到 Kimchi 個咀好怪, 係打開個口倒轉三角型, 我咪叫佢地睇下囉. Tony 烏低身一望, 佢就 fee, 原來那是 fee 人咀 , 於是 Tony 就扮 fee 返佢, 鬥 fee 一輪, 只見 Kimchi 開始縮後, 開始驚, 唔敢再 fee. 而 Richie 就八八卦卦咁走出房門口望咩事, 好驚訝咁 ge 様. 之後似乎 Richie 已經唔敢再 fee Tony, 貓果然只係恰弱者.