haha.. 終於攞返部相機, 就梗係要亂影一通. Kimchi 日日做的事情: 去廁所. 通常去大大之前都會大叫一輪, 所以都會估到佢將會做乜.

我要入去做 d 野

夠啦, 唔淮再影啦!

自從 Kimchi 自由行後, 我每朝早出門口都驚…

有時我出門口係未瞓醒狀態, 個腦空白, 而 Kimchi 姐又喜歡神出鬼沒, 我驚佢會係我唔留意的時候行先過我出門口, 又或者當我擰轉身閉門時走左出嚟而我唔知. 試過有一次, 我閉上門後覺得好驚, 要開番度門, make sure 佢响入面.係咪我擔心得過份呢?

因為部單鏡反光機借左俾 Kimchi 公公, 用返部傻瓜機影 Kimchi 真係好唔慣, 唯有拍下 Video 啦.

Kimchi 通常在我地剛回家時最恨我地摸, 會行行下突然攤落地, 好似同我地講: “摸我啦, 摸我啦.”

尋晚因為要出露台晾衫, 所以老公叫 Kimchi 入房. 我當時在 Kitchen 個洗衣機攞衫, 聽到 Kimchi响出面 we wa 鬼叫, 最初以為係老公抱佢入房(Kimchi 唔鍾意人抱). 但原來係佢一路行入房時一路嘈… 成個老人家咁一路行一路自言自語鬧 d 後生唔生性咁..haha

前晚入房瞓覺時, Kimchi 臨臨聲跟左我入房, 於是心軟地俾左佢入我地房瞓. 臨瞓時我地叮囑佢要乖, 唔好出出入入時踩到我地.

哈哈, 唔知佢係咪真係知道呢, 雖然佢係有出過去, 但成晚我地都無因為咁而俾佢踩醒過.

就算 Kimchi 在我地不在家時可以自由行, 但都係有禁地, 如廚房, 廁所同我地間房都會閉上門. 所以當這些地方在我地在家打開門時, 佢都特別喜歡逗留. 我地房的窗台仍然位列首位. 所以我地間房, 基本上長期無新鮮空氣溜入 -> 長期無開窗

做乜揭開個窗簾喎!

我要靜靜的想我的將來

究竟明天有無罐頭食呢?!