今日睇明報, 有一篇講 街貓家貓性格大不同, 形容街貓:

(細細是街貓)

“細細食得好急，而且什麼都吃，又會將食物從碟上撥到地上進食”
“細細又不喜歡人抱，「硬要抱牠的話，只可維持3秒！之後牠一定掙扎逃脫」”
“陌生人到訪，細細尤自四下躲藏，或在一旁監視陌生來客的舉動”

以上全部都係 Kimchi 平日的表現, 莫非買佢之前佢係一隻街貓?!  

哈哈, 又一張一 pat 嘢嘅相, 成隻生曬大蟾蜍咁

自從Kimchi 識得自己開門而又唔覺佢有搗亂後, 我地已經俾佢在我地唔响屋企同深夜自由行.

上個周未, 當唔駛返工的日子, 我地亦都開了睡房門小小隙, 俾佢自出自入. 不過咁係會令到我地睡眠質素大大降低, 因為佢會大大力跳上張床, 又大大力嘗試跳以避開我們的身體去床邊的窗台, 但有時係避唔開, 大大力踩在我們的身體, 所以間中會聽見半夜慘叫, 而此事起碼會發生2次以上. 於是返工日子, 我地都係閉門, 由佢係出面行同瞓.

佢其實都好體貼, 就算我地閉門, 佢都無半夜撲門或狼叫. 只係當早上鬧鐘響時, 會即刻叫同起勢咁拍門, 好似叫: “快d起身返工啦, 賺錢買貓糧俾我食啦!” 唔駛驚按熄鬧鐘唔知醒.

 哈哈, Kimchi 的”床上照”

這兩天老公放假在家, 佢話 Kimchi 好似俾人落左迷藥咁, 瞓足一整天. 到晚上我回家時, 佢好似患左過度活躍症咁, 周屋走, 又狼叫. (係呀, 真係好似狼咁叫, 嗚嗚聲的)

其實或者我地好少一整天都在家中, 所以都唔知 Kimchi 日頭做乜野. 我地成日都笑問 Kimchi : 你今日學左 d 乜呀? 有無讀書呀? 係咪成日掛住上網買貓糧呀? 有時我地都會有 d 奇想, 想裝部攝錄機影下佢~~ 不過應該都只係會見到佢瞓, 瞓, 瞓同瞓.

瞓醒伸下懶腰先

每當 Kimchi 擺呢個 post 時, 我不期然就記起 n 年前莫文蔚的唱片

不過當然無咁玲瓏浮凸

逃 ~ 貓版

由此我相信 Kimchi 係聰明的, 佢識得鬆開個 door stopper 先. 就算門隙窄 d, 只要個 stopper 係對手可接觸, 佢都開到門. 不枉我買了唔少含有DHA 的野食俾佢. hohoho