今日下晝陽光普照, Kimchi 返左佢自己個竇瞓覺 + 曬太陽. 又做左好多高度瑜珈動作.

咁好太陽, 曬下肚肚先, 唔知會唔會曬返灰肚肚D毛嘅呢? (按: Kimchi 肚肚係白色有灰色點點的)

(咬牙切齒咁講): 點解唔可以曬灰D毛喎!

唔制呀, 咁伸懶腰先

我唔信, 曬左先算

Richie 表姐表演貓步, 相比之下Kimchi 行到好 man 呀

以前成日見 Richie 表姐貓步, 以為所有貓都係好斯文咁左右腳交义咁慢慢行. 但 Kimchi “小姐” 真係唔會 catwalk, 通常係疾步, 就算係慢慢行都係隻腳直直咁行的.

Kimchi 好鍾意瞓响 d 凍冰冰的地方, 飯枱 / 書枱的玻璃枱面, 窗台的雲石, 明明有個 cushion 睡床响隔離都唔瞓. 所以我地話佢係小龍女, 要瞓寒冰床… ummm.. 唔知遲 d 會唔會練玉女心經呢.

地點1: 食飯枱

地點2: 自己個竇

地點3: 爸爸媽媽床邊的雲石窗台

我成日都覺得 Kimchi 係 set 個局俾佢有機會咬我架!

佢成日都會擺一些好誘人的姿勢, 反晒身, 曬佢個花肚肚, 一副 “摸我啦, 摸我啦” 咁既樣. 當我摸佢時, 佢就唔止咬我咁簡單, 佢仲會係用佢雙手捉住我黎咬.

首先, 佢會反晒身引你埋去….

跟住…. 各位你睇下佢隻手, 係按住我隻手嚟咬架

難得影到一張飛機耳, 個樣勁唔耐煩