睇三貓 Blog Blog 齋本書有關 Mocha 買回家之前有皮膚病, 令我想起在我地買左 Kimchi 回家後, 才發現佢頸後有一小片生完皮膚病剛好番的地方, 係有少少硬, 剛剛長返 d 毛咁, 那一刻有 d 嬲自己太大意. 不過一切都係緣份, 無發現到, 所以 Kimchi 成為我地家中的一個重要成員.

雖然佢有時都幾曳, 同佢抺身剪手甲會 fee 我, 摸佢又會咬我, 打我…. 不過真係托賴佢無乜病痛, 唔係我一定會自然瘦身, 擔心死我.

我會繼續健健康康, 唔揀飲擇食, 鍾意就咬你, 唔鍾意就 fee 你!

究竟老鼠在 Kimchi 心目中佔著幾重要的地位呢?

可以令佢不能自拔咁碌地

可以令佢好緊張咁擘大個口, 雙眼發晒光

更可以令佢發狂地捉住又咬又舐…. 隻老鼠好大陣口水味呀~~

今日因為要在中環等老公, 所以去咗三聯打書釘. 睇了一本叫三貓 Blog Blog 齋的書, 作者有個 Blog 响 Yahoo 的. 我尤喜愛書中幾篇關於最細那隻Mocha由出世到作者買回家那幾頁.

好喜歡在煮飯時,  Kimchi 會靜靜地坐在廚房門口望住我地, 當我地望下佢, 叫下佢時, 佢有時會立即反晒身.

好似話: “你地忙完未呀, 快 d 摸我啦”
跟住我會同佢講: “唔摸得住呀, 媽媽隻手污糟呀”

而家當我地响屋企又唔用廚房時, 通常都會打開到門, 可能早上係禁地, 佢特別喜歡在那時坐响入面或門口.

廚房門口幾好架

雲石位好好枕呀

做個貓仙人樣俾你睇下我幾鍾意呢到

昨天終於將梳化上的相架換上 Kimchi 黑白照. Kimchi 呢個八妹見我响佢個 “床位”用電腦, 就梗係又關佢事咁係要坐係我隔離睇住我搞乜

有我個樣, 緊係要睇住你搞咩啦!

哇, 咁多張, 要收版權費呀!