不枉我地申請左張 petline card, 攞左佢張寵物床, Kimchi 已經愛上佢, 成日都會瞓入去. 不過天氣開始好凍, 又係時候攞返個有蓋菠蘿出來． 或者將呢張床放响食飯枱底, 等佢多個地方瞓.

我地已經開始慣左俾佢入黎瞓, 起碼佢出出入入都無踩醒我地． 只係瞓瞓下會突然發現佢踩上我地個枕頭, 聞下我地,　佢d鬚撩到我地痕醒．　又或者側瞓時，　覺得背脊有野暖暖地頂住咁．

首先影全相

爸爸話影大大個頭相靚喎, 等我擺多 d post 先

呢個 look 係咪好得戚呢

跟住黎個神秘女郎 feel 先

個 Vet 開左 d 藥俾 Kimchi, 餵藥真係一個高難度動作. 除了第一, 二日, 老公餵佢完全成功之外, 其餘日子, 佢成日咬到爛跟住吐返出黎.. 真係難搞

早兩日Kimchi 的便便有血, 所以今日帶佢睇醫生. 其實今次已經係第二次, 對上一次係大約兩星期前, 我地見佢玩得, 食得, 按佢肚肚又無特別反應, 個醫生又 full booking, 到可以見醫生的日子時, 佢的便便又無事, 所以就只係一路觀察, 打算今個月打針見醫生先至問. 但星期四佢便便完, 又發覺有血, 雖然今次比上次少好多血, 不過安全起見都係即刻約醫生睇下點.

醫生今日幫佢按肚肚, 同埋探熱, 可能係緊張得, 所以有少少燒, 但好彩只係 marginal 130度(130度以上係發燒). 醫生話按過佢肚肚係無野, 而佢 d 便便又唔係爛, 最大機會係直腸敏感. 可能性係轉糧 / 小食 或者 緊張. 開左 d 葯同埋整腸濕糧俾佢, 如果再有就將 d 便便帶返去化驗. 醫生仲話佢係肥妹仔, 比未做絶育手術時重了成2磅幾, 但都 ok, 個頭仲係細.希望佢無事啦.

而家要佢入籠好難, 可能佢知道無好野

診所勁多人, 勁多狗, 等左成個鐘先有得睇

返到屋企開左個籠蓋, 拿拿臨走返入屋, 攤响”佢”張枱到

呢樣就係隻整腸濕糧, 不過唔係 Yamada Miyura. 好彩佢只要係見濕糧就好俾面咁係咁食.

有咩响到飛飛下呀

我拍

哇! 佢飛埋黎我塊面到呀! 救命呀!

爸爸近來很喜歡幫 Kimchi 梳頭, 佢話幫佢 “gel” 頭喎…

爸爸幫你梳個陸軍裝先.

唔鍾意呀, 好醜樣呀!

時光飛逝, 今日就係Kimchi “入門” 一周年! 仲記佢啱啱返黎時戰戰兢兢的樣子, 死都唔肯從個籠出黎, 到第二日早上睇佢時間房七國咁亂, 到而家通屋走, 唯一不變的是佢仍然都唔肯俾人抱, 抱佢時好似要佢命咁, 係咁掙扎, 係咁叫.

而我地呢, 就由最初唔敢同佢剪手甲, 刷牙, 佢一郁都驚俾佢抓俾佢咬, 到而家就算俾佢捉住隻手, 睇住佢作勢咬落黎都唔驚, 因為我地相信佢唔會真係咬, (雖然我曾經俾佢抓到流晒血, 條疤痕仍然可以見到. 又曾見到佢咬到幫佢沖涼那個哥哥仔有兩個血洞 )

有時老公會問, 如果無人買佢, 帶佢返屋企, 唔知佢會點. (因為我地買佢時, 佢已經係4個月大, 樣子都唔再係BB) 我相信相遇是一種緣份, 希望佢都同我地想法一樣, 都會珍惜大家相處的日子.

一周年特別濕糧餐

好緊張呀, 睇下佢握到手仔幾實

好香呀~~

忍唔住啦! 未開蓋都要舐

正! 下年會有咩食架?