時光飛逝, 今日就係Kimchi “入門” 一周年! 仲記佢啱啱返黎時戰戰兢兢的樣子, 死都唔肯從個籠出黎, 到第二日早上睇佢時間房七國咁亂, 到而家通屋走, 唯一不變的是佢仍然都唔肯俾人抱, 抱佢時好似要佢命咁, 係咁掙扎, 係咁叫.

而我地呢, 就由最初唔敢同佢剪手甲, 刷牙, 佢一郁都驚俾佢抓俾佢咬, 到而家就算俾佢捉住隻手, 睇住佢作勢咬落黎都唔驚, 因為我地相信佢唔會真係咬, (雖然我曾經俾佢抓到流晒血, 條疤痕仍然可以見到. 又曾見到佢咬到幫佢沖涼那個哥哥仔有兩個血洞 )

有時老公會問, 如果無人買佢, 帶佢返屋企, 唔知佢會點. (因為我地買佢時, 佢已經係4個月大, 樣子都唔再係BB) 我相信相遇是一種緣份, 希望佢都同我地想法一樣, 都會珍惜大家相處的日子.

一周年特別濕糧餐

好緊張呀, 睇下佢握到手仔幾實

好香呀~~

忍唔住啦! 未開蓋都要舐

正! 下年會有咩食架?