Boxing Day 快樂!

see how Kimchi dances on boxing day!

得 Kenny 慷慨解囊, 將 達達唔玩的玩具俾左我地, Kimchi 又有新玩具啦. 其實都想買呢樣好耐, 但一來都頗嘥位, 二來最驚 Kimchi 唔玩就最浪費.

當我地攞返黎時, Kimchi 好似好驚, 即閃, 但跟住就周圍聞下, 唔知係咪有第二隻貓的味道, 個樣都係高度戒備咁.後來我張佢條魚吊上去, 佢就開始發狂咁打 boxing. 不過都係未見佢抓條柱, 同埋瞓上平台上.

今日食完 lunch 仲好早, 所以走左去商務印書館打書釘. 今次發現左一本好好笑的書, 叫做 “偽科學鑑證 2 之殺出香港”.

唔知你有無曾經收過 email 係一篇超無聊勁搞笑的漫畫 “聾貓巴士”, 有個細路女問隻樣衰衰的熊貓係咪有貓巴士搭, 但隻熊貓就永遠都聽左另一樣.

呢本書第一個 chapter 係講貓的, present 得好好笑, 搞到我一路睇, 一路响書局裡面傻笑

上星期在花墟買了盆細細聖誕花, 最初都驚會俾 “摧花賊” 摧殘. 好彩佢又無喎, 只係第一日當放响電視櫃時, 佢本來行行下, 突然好好奇咁返轉頭, 企高望下咩黎. 今日終於幫佢同盆花影相, 做一隻 Christmas Kimchi

難得地 Kimchi  坐梳化, 同埋擺埋晒 d 咁 “儀態萬千” 的 post

我覺得佢要著返件泳衣襯返呢個姿勢

晒下個花肚肚!

尋晚凍凍地, Kimchi 懶在我地張床唔走, 就算舖張被响佢身上, 佢都無即閃. 咁我地唯有幫佢抺身仔, 俾佢瞓响我地隔離

佢擺埋晒 d 咁鬼殺人的樣, 叫人點捨得要佢走.