真係好凍.. 點解個窗得條少少隙都咁凍架… 唯有一係响菠蘿屋冬眠或者响地毯上歎暖風

呢個主題亦可以係 “無聊爸爸的傑作”, 為了減少驚嚇情度, 我已經將大眼相縮細, 完大時其實係一張恐怖照片.

Kimchi 最近的蒲點包括我地張床上, 仲有就係飯枱將 chair 上, 都係 d 軟軟地的地方. 我地張 chair 通常都係拉入枱底 (因為我喜歡齊齊整整 ) 所以有時周圍揾佢, 但原來佢就响我地隔離. (飯枱係我地張 working table) , 佢會好舒服咁响上面… 甚至係會瞓著.

枱底係我的飛佛位.

記住問公公借個魚眼鏡影我個大大個頭相先得意架嘛.

相信嗎? 我從來無正正經經同 Kimchi 一齊影過相. 主要因為佢完全唔鍾意人抱, 一抱佢, 佢一係勁掙扎, 一係就做縮頭烏龜貓, 將個頭縮係我手臂下. 今日見佢大刺刺咁坐响張地毯上, 就算自己係一個師奶帶眼鏡 look , 我都要叫老公幫我同佢影相. 我瞓响佢隔離最初都 ok…. 但係老公攞完相機對好焦,  要影個一刻, 佢係即撇.. 試左幾張, 佢都係走住影, 遮晒我塊面 ~~~

大刺刺地在地毯上擺 Post係我o既專長

要我同媽媽影相? No way 啦. 遮住佢先

只係影我就得!

因為揀相做 calendar 時發覺我同 Kimchi 影相的背景都好單調, 所以試下同佢用窗外的風光做背景. 試左好多張, 轉過唔同 mode, 唯一呢一張比較見得下人. 不過都仲係唔清, 我會努力!

點解? 耳仔污穢囉, 所以要同佢洗耳仔! 當然係勁唔老泥, 洗完係咁 fing, 係咁舐返自己梳返個靚頭

做乜搞到我成個雞冠咁喎

唔高興呀, 我個頭要恤好耐架