自從舖左條毛巾响個”樹窿”後, Kimchi 就愛上躲响裡面, 可能覺得私隱度高, 我地要痞低响地上先至可以睇到佢.

响裡面, 安全感 ++, 私隱度 ++

多謝各位善長人翁, 是日拆利是盤點, 足夠我買一包乾糧加幾罐濕糧, 但就唔夠買埋包貓砂. 希望出年會多d 人記得我係爸爸媽媽個女啦, 等我可以買埋包貓砂啦. 多多益善, 少少無拘

睇我個樣, 就知今年業績麻麻地, 來年要更加努力.

新年從一個養貓的親戚聽到呢個 term, 情形就好似 Kimchi 呢張相咁, 坐到成個人咁.

佢話佢有時出左門口, 唔記得攞野而返轉頭, 就見到佢隻貓坐到成個人咁坐梳化. 不過睇佢隻貓 d 相. 真係好似一個好多毛的人咁… 佢話研究過點解會覺得似人…. 因為隻貓個鼻樑好高架.. haha!

初一時俾親戚話我同老公响個 blog 到做乜咁神祕, 只係 show 俾 Kimchi 遮住的面, 或手手腳腳, 唔出樣云云… 我地都唔想架~~

終於掟起心肝, 度定晒位, 又捉又用食物引, 都要達到目的, 誓要同 Kimchi 影張賀年照. 捉住佢影兩次, 每次歷時十秒…

抱我上黎聞花呀?

做乜攬咁實呀?好 friend 呀?!

我唔鍾意呀! 閃呀!

慣左新年唔理有無人黎都會買年花, 今年又買左紅玫瑰襯淡紫桔梗, 好開心. 暫時都無發覺 Kimchi 會趁我地唔响到時會摧殘 d 花, 起碼無見到有花的 “body” 跌落張枱到.

媽媽爸爸買呢束花幾靚架

等我聞下 d 花香唔香先

媽媽唔該你同我同d 靚花花影張相啦

近排公私兩忙, 到今日先至得閒封利是. 跟老公的傳統, 所以今晚年三十晚就俾”壓歲錢” 俾 Kimchi, 仲要放响佢菠蘿咕臣底 (當枕頭底), 等佢快高長大. 各位如果俾利是 Kimchi, 我都會放响佢個咕臣底, 做一個貓糧基金 ..haha 我唔會中飽私囊架 .heee

各位新年快樂, 記住俾利是我呀!

媽媽會俾我咬下先放响咕臣底, 做濕糧基金

正, 將會有好多濕糧食!