今日 book 左樓下間 “水療中心” 幫 Kimchi 沖涼, 上次已經係一年前, 佢咬人的場面仍然歷歷在目. 自從聽過一個曾經在寵物店做過的人好 casual 咁講佢地一定會同 d 貓打針先沖涼, 我地更加堅持要幫襯樓下間可全程睇住沖涼過程的店舖.

講真, 一路睇一路覺得驚心動魄, Kimchi 的 fee 呀, ha 呀不絶於耳, 但幫佢沖涼的姐姐仔話佢已經算係咁, 佢只係得把聲, 無真係出牙咬喎.

不過我諗 Kimchi 都係一堅強的貓, 沖完返到屋企, 佢好正常咁行黎行去, 只係不斷 “lam” 自己. 我地為左 cheer her up, 亦都俾 d treats佢, 同埋同佢玩繩氹佢開心.

店裡有一隻貓, 八卦都痺, 見 Kimchi 係咁喵, 就走去聞佢, 下場當然係俾 Kimchi fee 啦.

呢隻貓係好鍾意人摸, 睇佢個樣幾 enjoy.

睇佢幾八卦, 乜都關佢事

開始啦…. 同佢剪緊腳甲

為免有血案發生, 所以我地一早就建議放佢入籠沖

返到屋企, Kimchi就起勢咁挨返自己 d 味落個身到.

近排家姐搬屋, 比較近左我, 所以我地上多左去佢屋企. 見多左 Richie 表姐, 發覺佢同 Kimchi 的眼神係完全唔同. 雖然大家都係黃眼睛, 但佢的眼神係好温婉, 好善良, 但 Kimchi 的係殺氣騰騰. 又一証明 Kimchi 貓如其名, 係辣妹一名.

我有雙温柔的眼神, 邊似Kimchi 你咁想食左人咁喎.

同Kimchi 瞓通常我都會半夜醒幾次, 又或者係發夢有野迫住我, 我用力推開. 睇下以下呢幅相就知… 佢係會趁我地打側瞓時 “zip”位, 仲要佢係打橫瞓, 我只係淨返1/4床位瞓…

嚴冬似乎終於過去, 又係時候換春夏裝. 本來係我自己整個新 banner, 但 Kimchi 爸爸睇唔過眼我笨拙的 photoshop 技巧, 所以終於又引到佢出手 .

上星期六心血來潮拉起書房的窗簾, Kimchi 好似發現新大陸咁撲返入房, 睇過究竟. 好似發現左一個新地方咁, 在書枱上望住個窗行來行去, 八八卦卦咁. 跟住就瞓左上張枱到晒日光. 晒到成個身興烚烚咁, 我都真係驚佢會唔會發燒架?!

外面的世界真大, 點解我從來都唔知有呢個 view o既?

但係都係咁瞓响度晒太陽好d.

近排公私兩忙, 搞到都無乜時間响屋企同 Kimchi 影相寫 Blog. 呢批相都影左好耐, 見佢做 yoga 做得咁開心, 就緊係要同影下相啦

我隻脾脾se 唔 sexy 呢?

唔 sexy?! 那…. 舉高 d 俾你睇