而家早上當房裡面的收音機鬧鐘開始響, 同時就會聽到 Kimchi 在房門外响到叫, 好似鬧緊我地: ” 我知你地响入面架, 俾我返去我菠蘿屋呀! 無貓道呀~~”

無法啦… Kimchi 乖乖地响貓樹瞓住先啦.

仲乜將我個抓板攞左出廳呀?! 我要响你地房抓架.

無陰公, 仲要貓瞓响個 sub woofer 隔離

早兩日Kimchi 家發生左嚴重的家居意外, 事件中一名男子手臂受傷, 現場之一女一貓幸運地安然無恙. 經過如下:

Kimchi 家主人套房懶潮的玻璃廁所門懷疑安裝不妥, 男戶主推門進內時玻璃門倒下並粉碎, 碎片散落一地, 男戶主手臂亦遭碎片割傷, 尤幸是強化玻璃, 未做成更嚴重的傷害. 但已嚇得女戶主及Kimchi 目定口呆, 不知如何處理是好. 唯一反應就是抱 Kimchi 離開事發現場, 困她於又熱又焗的書房中, 再另行商量善後.

事發後, 戶主因害怕未能完全清理地上碎片, 所以暫時 Kimchi 未能返回菠蘿家, 暫定待進行多次清潔及安回廁所木門後(不敢再用玻璃門), 再作安排. 奉勸各位如有玻璃門一定要檢查清楚.

現場照片

我相信所有人都會覺得貓貓的睡相很可愛, 特別係有對似在笑的彎彎眼睛. Kimchi 好少會坦蕩蕩咁 show 佢的睡相. 由佢半個身仲係响個菠蘿屋到就知佢對攤出黎瞓幾咁有保留, 個樣幾似蝸牛!

好眼瞓呀, 好眼瞓呀..

我似唔似蝸牛呀?

蝸牛都要瞓o架!

我都相信唔駛買貴的寵物玩具, 一條尼龍繩就足以令 Kimchi 神魂顛倒, 跟住我跑黎跑去. 就算係躲埋左, 聽到尼龍繩聲都忍唔住嗱嗱臨走出黎玩.

噢, 我的至愛!

我忍唔住啦…

我要將你咬到一絲絲

顛喪完, 就梗係要整理下自己啦

而家 Kimchi 就犀利囉, 差唔多除左 d 禁地如廚房, 廁所同書房外, 都有佢的瞓覺位. 客廳一棵貓樹, 飯廳窗台一張床, 我地間房一個菠蘿屋. 而佢仲要除左呢 d 位外, 仲會周圍瞓. 例如雲石窗台, 玻璃台面, 飯枱面, 差唔多只要係平的地方, 佢都要留佢貓毛响到~

剛搬到新屋, 未習慣時, Kimchi 偶有傻左發顛的時候:
1. 第一晚, 第一件事抱佢去佢的廁所, 佢誓死唔出黎, 走埋佢望佢時, 佢竟然 fee 我
2. 有一天, 公公婆婆上黎參觀我的新居, 公公夾硬隊個相機超勁埋(因為用魚眼鏡, 勁 wide)+用普通機身閃光燈直接閃佢, 當我走埋去安撫Kimchi + 阻止公公時, 摸下佢, 本來都好冧俾我摸, 但突然唔知做乜 fee 我 + 狠狠咬我.

好彩習慣後, 佢又好似o爹左好多咁.
1. 佢好鍾意跟出跟入, 我地响廳時, 佢就坐响張 dining table 或徘徊响廳到. 當我地入房瞓時, 佢本來响廳坐定定, 但都會入返黎同我地一齊瞓.
2. 呢幾日大約7點就搞醒我. 一早就跳上我地張床上, 就算我隻手响枕頭底, 佢都要捐入黎用佢個頭係咁撞我隻手, 要我摸佢.
3. 每早都勁叫, 唔係驚個隻. 望下佢, 佢又叫, 問佢 : “Kimchi , 做乜野呀?” , 又叫
4. 有晚又有一班人上黎純粹參觀, 又係有公公婆婆份. 最初佢都係躲係菠蘿屋, 但無幾耐佢自動行出黎, 就算公公攞住部相機影佢都 ok (不過今次用返 external flash light, 唔係直接閃佢). 直到成班人好似睇珍禽異獸咁圍住佢, 佢先走返入菠蘿屋.

你地响邊, 我就响邊瞓架啦.

成張床都係我架, 等我碌黎碌去先.

我就係咁躲响 cushion 底.

出面個view 正咩? 等我企高睇下先

呢張係公公係咁煩住我影的, 好彩今次佢唔係用魚眼鏡