在新居中, 我地安排 Kimchi 個 toilet 响客廁, 而佢個瞓覺位就响我地間房. 第一晚同佢响新居瞓, 瞓到早上 5點幾, 俾佢的喪叫聲嘈醒, 感覺係幾恐怖… 另外又驚佢係揾唔到佢個廁所, 又或者係因為肚餓… 所以我地就起身, 帶完佢去揾廁所跟住就俾 d 糧佢, 但佢兩野都唔係, 見佢無叫我地咪再瞓. 好彩我地攞左成個星期假, 到第二日下午, 我地真係攰到不得了, 所以瞓左2個幾鐘. 而 Kimchi 就無離開過佢個菠蘿…. 直到晚上…

似乎貓都係晝伏夜出, 到晚上我地响廰時, 我用尼龍繩整 d 聲, 佢開始八八卦卦行出來, 周圍聞, 周圍望, 但當有少少聲時, 佢就禽禽青走返入佢間屋. 雖然佢比平時食少左好多, 但起碼都有食, 又有得痾, 都算係咁. 而佢亦開始攤响個地上, 擺出佢的招牌拉直成個身的姿勢. 所以我地都安心晒.

响呢個習慣過程裡面, 睇住佢都幾得意, 因為我地有 d 野係响舊居搬過黎, 但擺放的位置完全唔同晒. 好似個鐘以前係掛牆, 而家係放左响窗台上. 見到佢走過去時個樣好似: “我認得佢呀, 但我以前明明唔可以咁掂到佢架?”. 我亦都要開始習慣… 因為而家係仿木地板, 佢跑黎跑去時所發出的跑馬似的聲音, 又或者佢從高處跳落地上 “pok” 的聲响, 佢再不是無聲無息咁跑跑跳跳.

呢間房係咩黎架? 乜唔係我間房咩?

仲乜影到我咁八卦呀

乜我以後都要同你地瞓呀 ?

已經三個星期無 update 過個 blog, 唔係因為我去左旅行, 其實係因為要搬屋. 我好佩服那些一年要搬幾次的人, 搬屋真係比我想像中辛苦好多好多好多….. 臨搬前一個星期執野執到想死, 加上成個廳堆滿了紙箱, 個地又因為咁而無吸塵無拖地, Kimchi 仲要成日碌地, 感覺佢好污糟. 當然佢就好開心响 d 箱的隙中穿插同埋捐久違了的梳化底. (因為之前費事佢捐而揾野塞住, 但pack 野時要攞返晒 d 野出來)

到了搬屋那天, 為免去到新屋又係立立亂, 又要驚 Kimchi 唔適應, 所以留低 Kimchi 响舊屋中過夜, 等我地執好晒野先至去接佢. 其實我都好驚佢响新屋會唔知點, 究竟係會躲起來, 還是會八八卦卦周圍聞.

答案係…. 躲起來.. 仲要係有咁埋得咁埋, 佢竟然剷起個菠蘿 cushion 底, 躲响下面!! 為左安撫佢, 第一晚我地已經準備左濕糧同一些 treats, 好彩佢起碼肯食少少, 食完就拿拿臨走返入去佢個菠蘿到, 唔係我仲驚.

無晒啦, 連我 d 書都無晒啦~~

好好玩呀, 周圍都咁多盒.

呢盒係咪我的糧草玩具呀? 記得帶埋我d 野走呀

仲乜尋晚淨返我一個… 捨得返黎接我走啦?!