雖然獨眼龍事件避得過去睇醫生, 但始終要打針都唔可以避免. 睇下佢叫得幾陰功, 就知道點解我地咁怕要帶佢出去.

p.s. play 呢段片時, Kimchi 好緊張周圍望, 可能佢奇怪邊隻貓好似佢咁慘

星期六晚返到屋企, 摸黑摸kimchi, 感覺濕濕地, 仲以為佢舐完自己, 係 d 口水. 開左燈先發覺Kimchi 做左獨眼龍, 單起隻眼, 留眼水, 嚇到我死死. 老公捉住佢望清楚, 佢時而開合隻眼, 又見佢眼仔對上有攤位d毛好似禿禿地. 佢又不斷舐個個位, 最慘第二日係星期日, 睇開間診所超多人兼開下午. 諗緊不如試下去荃灣睇, 不過一切都要等第二日先算.

好彩第二日起身見佢隻眼仔又精靈返, 頭上禿禿地那個位又無咁明顯, 可能濕左就好明顯, 都無咁驚. 而家唯有留意下佢攤野有無擴大到, 一有 d 咩事就帶佢去睇醫生.

疑似甩毛額頭

第二日又無事咁

瞓瞓下聽到 d 怪聲, 望下竟然見到 Kimchi “zip” 入去床尾的半天吊櫃子裡面, 佢响裡面轉個身都難, 都唔知佢咁辛苦為乜.

放工返屋企,同老公都會估Kimchi 究竟會响邊. 而家佢的熱點係
1. 我地張床
2. 梳化

佢個樣都不知幾舒服, 完全唔捨得走. 梳化係因為涼, 至於床, 佢就最鍾意挨住枕頭瞓.

睇我個樣咁舒服, 知唔知我霸左响邊呢?

咪就係梳化囉

挨住個枕頭真係好舒服

深夜時份返到香港, 入屋第一件事就緊係叫 “Kimchi ~~ 你响邊呀?” 只見一對發光的眼睛從主人房閃閃縮縮咁”裝”出黎, 久久都唔敢行出黎迎接爸爸媽媽. 於是我就入房睇佢, 佢係超級勁嗲, 竟然主動走埋要我摸摸.

望下我地張床… 真係慘不忍睹,… 勁多貓毛, 可以想像佢成日都响我地張床到打躉, 簡直係可以擦出個大貓毛球波. 佢成晚都黏住我地, 半夜就上黎我地張床同我地瞓, 仲要係瞓我地中間, 呢個真係九世紀都唔會發生的事.

根據”監護人” 所講, 第一日佢躲係菠蘿屋咕臣底, 得對眼裝出黎, 都要 fee 姨丈, 仲要姨丈都無揾佢, 如果唔係佢 fee fee 聲, 都唔知佢係個度. 好彩都係第一日fee 人. 跟住越來越無野: 由菠蘿屋到坐梳化到坐床”迎接”姨媽姨丈, 只係個樣係一個悶爆樣, 但又唔願同佢地玩. 唉, 咁又何苦呢~

至於手信.. 就係大波波(終於唔係响 100 yen 店買), 同埋少少濕糧. 好彩佢兩樣都好鍾意

咁大個波, 遲早咪俾我咬到變成細波波

做乜個波走黎走黎去架

Kimchi, 爸爸媽媽好掛住你呀! 你要乖乖地聽姨丈話啦, 唔好再 fee 佢啦.

今日行街見到本書有隻貓貓好似你架, 而家唯有用下臨走時同你影的相以慰寂寥.

Kimchi: 媽媽爸爸你地幾時返呀, 我今日又fee 阿姨丈啦, 唔想我 fee 佢, 就唔好去咁多旅行啦.