早前同 Kimchi 玩時影的, 玩到鬼死咁懶, 係瞓著玩

想用個波黎引我玩呀?

又幾吸引喎

飛撲得黎都係瞓著飛

俾綠色野圍住的感覺真好… 我真係唔咬架… 你地响到 ge 時候

因為屋企要補油, 好彩書房係唯一唔駛的地方, 因為出面係污糟到爆, 所就將 Kimchi 困係裡面. 佢雖然係驚個師傅, 但亦都好唔鍾意困响個咁亂 ge 地方裡面, 全日就好唔開心咁屈响書枱上面.

咁亂咁細我點行喎

睇我個悶爆樣, 就知幾慘

早幾日要做 Nanny, 放工去照顧 Richie 表姐. 每次入門口都meow 到好似鬧你咁遲先去餵佢食野. 每次想去摸佢時, 佢都走開. 不過佢好得意, 佢會好乖企企定俾你幫佢抺眼淚, 可能由細細個佢都有流眼水問題, 所以抺慣晒.

Richie 表姐仲有樣好得意ge 地方, 佢好鍾意挨我個 LV 袋. 有個 agnesB 响隔離佢唔會挨, 每次去都係淨係挨我個袋. What’s a “lady”!

我地成日以為 Kimchi 响我地手中無童年, 因為買佢返黎時佢已經係4個月, 同埋都幾大隻. 但睇返佢以前 d 相, 原來佢係有在我地照料中不知不覺成長了!

我的小時候, 腳短短

我的現在, 有成熟的韻味

唔知點解Kimchi  d 紋越大越唔見…我地以前仲成日話佢個身有個箭靶, 而家已經唔見晒, 俾人以為佢係一隻灰貓啦. 唔通沖涼洗甩晒. haha

Kimchi 加入鄭家的第二天, 有紋又有箭靶

Kimchi 加入鄭家的第二年.. 灰貓一隻