掛左 d 畫响梳化頂已經幾日, 以 Kimchi 的性格一定會八八卦走去睇/搞. 終於尋晚俾佢發現左, 佢首先坐响梳化頂, 跟住就企高身去聞. 完全貫切佢的八卦行為.

我要學比比咁响梳化頂

幾時掛左 d 畫? 仲乜唔通知我呀!

Kimchi 而家係晚晚都上黎瞓, 早幾晚我地响床到睇電視, 佢竟然瞓左响我地中間好耐都唔走. 有時會眼定定霸頭位睇電視, 有時又反身轉黎轉去.

就近攞部電話黎影相, 可惜 d 質素真係好差

有一天我突然發覺 Kimchi 會用手撐住老公隻腳, 八卦地企高聞佢手上的東西. 但呢樣從來都未發生過响我身上. 我唔抵得, 所以就有樣學樣, 想引佢企高, 用對手手撐住我對腳. 但好可惜, 咁樣引佢玩時, Kimchi 只係企定定望我. :~~~~

八卦連環圖

早幾日睇完 U-magazine 一篇有關貓咪情緒病的專訪, 成因多數係因為無人理. 千祈唔好以為貓真係獨立到唔需要你理, 唔需要你陪佢玩. 其實佢係要你服侍佢, 唔好以為餵飽佢就足夠, 一樣都要多 d  時間陪伴佢.

睇完之後, 我就問Kimchi: ” 你有無情緒病呀?  點解你成日都响屋企突然間喪跑架?” (因為篇野話呢個其中一個病徵). 佢連喵一聲都無, 唔理我, 只係用個 pat pat “duck” 住我. 我估佢心裡係話: “咁你仲唔同我玩”. 所以我就即刻同Kimchi 喪玩一輪 Hide & seek 同埋捉老鼠… well .. 要服待佢呢位公主嘛

睇得你呢隻老鼠走得去邊

既然媽媽同我玩, 咁我就俾下面露個花肚肚

扭埋腰跳埋舞又點話

朋友 send 來的 video, 隻貓好肥好得意. 仲有對好似 Kimchi 的八字腳

幾識揀, 除左半夜要迫埋响我地張床瞓覺外, 平時跟我地响廳時, 絲絨椅當然比地板暖啦.

咁都俾你發現我响枱底