未養 Kimchi 前, 我地其實鍾情於美國短毛貓, 但香港市面上可算是稀有品種, 除左响貓展見過之外, 都未係 shop 見過. 或者我地係鍾意 Tabby 啦, 所以見到 Kimchi 就好鍾意佢. (雖然佢而家似乎變左隻灰貓 )

最近有套新戲 – 貓咪咕咕,  原來入面個隻貓係美國短毛貓黎架!!!  又有野田妹… 不過唔知會唔會係一套好慘 ge 戲呢….

少有地有香港 website (http://202.85.147.176/broadcast/enews/gugu/gugu.html)

因為近排好忙, 所以到今日先至幫 Kimchi 拆利是. 多謝各方友好, 今年成績勝過往年,  全數會放入 ” Kimchi 食喝玩樂基金”. Thanks so much!!

等我數下今年有幾多封先

哇, 今年成績唔錯喎!

多謝各位咁錫我, 等我的吃喝玩樂基金有進賬

有時都會覺得 Kimchi 黏人架… 因為通常我地响廳時, 佢就會响廳活動. 當我地坐食飯枱用電腦時, 佢又鍾意坐响我地隔離的椅子上. 到我地返房瞓覺, 同佢講: Kimchi, 返入房瞓覺啦, 佢多數都會响我地入左房一陣, 就自動行入黎, 做佢的”跟得公主”.

媽媽, 我要坐你隔離, 望住你做乜.

oops, 爸爸你發現左我呀?!

唔好呷醋我跟住媽媽啦, 最多俾你摸啦.

終於有隻男仔貓,  (雖然我成日都搞錯左用 she, her 黎叫佢) , 呢隻係Edward 的 Vanilla,  佢超黏人, 任人舞, 有著狗的性格. 又鍾意照顧 d newcomers, 佢係會勁抱勁舐新貓…

oooo.. Kimchi 唔好嬲我咁讚其他貓, 我知你係有性格啫

讀書讀得太辛苦喇，要瞓下

Kimchi 超級鍾意我呢條新裙, 我買返黎時擺上床, 佢就眼發光咁爬上床. 最好笑係我返屋企時, 佢見到我就喪喵… 因為睇上那兩個毛波波..