同個响 Facebook  上識的 American shorthair 的 breeder chat, 講起 Kimchi 軟便的情況, 佢 suggest 我試下餵雞柳俾佢, 俾 d 簡單的食物佢. 等佢便便開始正常先開始餵乾糧. 因為睇醫生食藥令到佢咁唔開心, 咁無精神, 對佢都唔係件好事.

雖然佢叫我餓 Kimchi 24小時先, 但我最終都係心軟只係餓左佢 12 小時. 我估唔到 Kimchi 鍾意食雞柳係去到一個都幾瘋狂的程度. 星期五晚我最初只係烚大半條, 但佢轉瞬間已經食晒. 之前佢食濕糧都係掂兩掂就走開, 今次佢係勁食. 到星期六朝我起身入廚房準備烚俾佢食, 佢已經係到喪叫, 顛左咁不斷催我烚俾佢食. 今次我烚一條, 因為俾佢催, 我拆左一半就俾佢食住先. 之後我俾埋另一半佢, 佢又話咁快就清左. 但係星期六朝早, 佢 d 便便還是軟.

到 3點幾佢已經又叫肚餓, 但我都係等到7點先再餵. 見佢咁好胃口, 星期日我就餵多 d … 餵條半俾佢食, 但佢食得真係太急, 又嘔晒出黎.. 真係俾佢激死! 又要烚過. 所以都係要分開幾餐等佢慢慢食, 唔好做金魚.. 有機雞柳好貴架! 昨天到今朝佢都無便便, 睇下食左2 日雞柳有無改善先.. 雖然 Kit 話要 2-3  weeks~

早餐 – 2 條有機雞柳

早餐 – 2 條有機雞柳

等於大半罐罐頭

等於大半罐罐頭

喪食中, 3分鐘內就食晒… 跟住又嘔晒..

喪食中, 3分鐘內就食晒… 跟住又嘔晒..

呢幾日咁凍, 加上 Kimchi又唔舒服, 我地都驚佢天氣凍會令佢更難好, 所以拿拿臨攞返張地毯同暖風機出黎返.  其實貓都真係幾醒, 今日去家姐屋企, 見到 Richie 姐又係坐係張梳化到, 直線對住部暖風機.

而 Kimchi 亦都係要坐係張地毯到, 直線咁對住部暖風機. 我地為左令間屋暖 d, 所以好似開冷氣咁連房門都關上, 等個空間細 d , 希望d 暖風無咁易走晒.

吹下背脊先

吹下背脊先

再吹下正面

再吹下正面

暖笠笠好想瞓啦..ZzzzZzz

暖笠笠好想瞓啦..ZzzzZzz

終於Kimchi 個樣精神返 ,  對眼仔無咁尖, 圓返少少. 最重要係有食野!

雖然包 Fromm 未食晒, 但好彩我地買左新返黎. 我地從舊個包倒左 d , 佢聞聞下又發出 “ee un un” 聲, 食少少. 跟住我開包新, 倒出黎俾佢食, 佢即刻食, 仲要係好耐都無見過佢呢個狼吞虎嚥樣. 雖然都係比平時食少好多, 但肯食, 我已經安心左好多.

我亦有同佢玩佢至愛的尼龍繩, 佢都好興奮又咬又抓,  証明佢精神返返黎. 早幾日, 佢係無反應架.. 所以令到我都幾驚~

唔晒食藥, 我就有返精神玩尼龍繩啦

唔晒食藥, 我就有返精神玩尼龍繩啦

現在就剩返等 ” 執金” , 佢都無乜食過野, 所以除左尿尿之外, 都無野出. 希望佢便便都正常啦.

原來開心得太早…

正常 poop 之後一天, 又爛爛地. 跟住一日無咁爛, 但都係軟. 間 clinic 打電話黎跟進, 我話我無俾 supplement 佢食, 佢地就話一定要俾佢, 用針筒餵都要. 所以星期五晚我地又開始餵返, 但餵返之後, 佢就又開始唔係好食野, 只係飲水, 星期六晚我覺得佢好唔開心, 好唔精神,所以就無餵到 supplement, 淨係餵藥. 整個星期日都係咁, 我地好 struggle 係咪應該連藥都唔餵, 但只係淨返2餐, 所以最終都係餵埋佢.

佢大部份時間都係瞓覺, 起身時, 佢走埋水機, 飲左好少水, 跟住就發呆咁望住個水機同埋 d 糧. 好似 d 人望住個廁所想嘔但又嘔唔出咁, 如是者望左幾次10幾分鐘, 睇到我真係好痛. 除了做完 de-sex 那2天, 我都未見過佢咁無精神. 今日終於可以停藥, 希望只係藥力令到佢咁無胃口… 今日會食返野啦.. 唔係又要帶佢去睇 vet 架啦…

Kimchi 成晚就係咁望住個水機發呆

Kimchi 成晚就係咁望住個水機發呆

終於好似好返啦!!

自從星期六睇完醫生食藥後,  Kimchi 3日無 ng ng, 又唔係好食野…  真係令我地好擔心. 最初整腸濕糧佢都肯食, 但自從撈左 d 補品 (話係益生菌) 就唔肯食. 就算唔擺任何 supplement 佢都唔肯再食. 見佢日幾都係咁, 咪俾少少乾糧佢食, 見佢食, 我地又攞埋 d Taurine 藥丸放落去俾佢食, 跟住佢又絶食… 我地真係怕左佢… 所以就唔再撈任何野响佢d 糧到. 於是終於食晒.

今朝早終於等到佢 ng ng la !!!! 係正常!! 希望佢一定要 keep 住食野 &  ng ng  正常啦!!!.

不過間 clinic 話要食晒 d 藥, 成個星期架. Kimchi 一定會好憎我地~