上次帶Kimchi 去打針, 個 vet 話佢要洗牙喎! 我自問都叫做有幫佢間唔時擦, 雖然只可以做3秒, 佢就閃閃閃, 我以為只要 d 牙膏係佢個口到都叫做有用 d… 但個 vet 話坊間 d 牙膏係無用架! 用水都 ok! 本來都有諗住 vet 咁講, 咪帶佢去洗牙啦. 走時多口問個nurse 幾錢, 答案係 千幾蚊!!! 聽到後有點唔識反應, 我最初估係幾百蚊都 ok 啦. 後來同 Ken 諗下點解會咁貴呢?! 最有機會係因為要麻醉,要佢唔會反抗先擦到牙. 諗起咁, 就更加一千個唔想.
於是都係自己幫佢擦多 d 睇下點啦… 既然牙膏係無用, 我就用清水擦, 原來唔用牙膏 Kimchi 係唔會點反抗架! ( 又或者佢知如果再唔俾我擦, 佢俾人全身麻醉, 會更痛苦 
) 當佢俾我擦時, 我又驚原本用開的牙刷太硬, 都唔知係刷到佢出血定真係刷到 d 污糟野. 所以我就買左呢支套手指的牙刷, 係好軟的膠. 我輕輕力同佢擦 (其實似按摩多d), 佢好乖咁俾我擦左成 10 分鐘都有呀! 不過我都係唔係好識撐開佢個咀… 好似撐得唔夠大.
準備….
拉開 Kimchi 個咀
擦擦左
擦擦右
