 |
 |
 |
 |
上個禮拜濕度有成 80 ~ 90%, 一返到屋企就係一個 “濕” 字. Kimchi 見我地返到屋企就咁喵, 佢個糧食盆仲有好多糧, 所以我地以為佢唔係肚餓. 但後來我地搬動佢個盆時發出有 d 聲, 佢就即刻走出黎. 俾佢聞, 佢就只係叫唔食.
原來真係嫌d糧受左潮, 唔肯食喎! 因為我地倒左再添新糧俾佢, 佢就拿拿臨走去食. 果然佢地 d 味覺係好 sensitive! 咁咀刁, 真係唔知如果我地去旅行揾人一日一次去餵佢時咁點算 
濕o既, 點食呀!
Kimchi 差唔多每晚都會同我地一齊瞓, 好多時係我地瞓上床, 佢先跟住跳上黎. 我話佢好似皇帝點燈咁, 今晚瞓下我隔離, 另一晚又瞓下老公隔離. 雖然係迫住晒, 但感覺真係幾 sweet.
我今晚就點你燈啦!
元旦開 party 準備了大量 chips. 百卦的 KimKim 當然乜都有佢份, 要聞要咬.
咁多薯片o既
係咪全部都係俾我架? 咁我咪會生好多暗瘡?
一年容易又聖誕, Merry Christmas!! 聖誕有咩搞?
我有聖誕女郎 costume
仲有聖誕運動, 練下牙力 fing 波波
Kimchi 真係大小姐, 又要主動要人摸, 又會摸摸下佢又咬人. 老公話覺得佢係當你摸得佢好舒服, 咕晒想瞓時, 如果你繼續摸佢, 佢就發老脾咬人. 真係難服待 ~~
算你醒目, 唔係我眼瞓時摸我, 我會咬你架:P
過馬路停在便利店門口, 見到明周的封面: “宣萱寵物情緣 獸醫男友曝光”, 標題於我其實不甚吸引. 望下個男的, 個咁樣咁熟口面既?! 原來就係响荃灣 Kimchi 睇的 vet! 睇完都唔知佢叫咩名, 所以就 quick 看內文, 佢叫做 Ruan喎. anyways… 我諗都唔會再睇佢… 因為上次睇完搞到Kimchi 咁無精神, 好難再有信心
返到屋企, 我就都同 Kimchi 講: 上次拮你 pat pat 個鬼佬, 做左明星既男朋友呀!
